Osmani në Tiranë me thirrje: Nuk duhet të lejojmë që plani i Putinit të zbatohet nga Vuçiqi në Ballkan

Presidentja Vjosa Osmani ka thënë se raportet mes Kosovës dhe Shqipërisë janë të shkëlqyeshme, dhe se Serbia është ajo që e acaron situatën në Ballkanin Perëndimor. Ajo u shpreh kështu në një konferencë për media kur u pyet se si e sheh raportin e kryeministrave të Shqipërisë dhe Kosovës, derisa kishin mospajtime kur situata në veri të Kosovës është e tensionuar. "Do ta rrisim koordinim mes nesh është në interes të kombit dhe rajonit tonë. Mungesa e paqes në një pjesë ndikon në mungesën e stabilitetit në gjithë Ballkanin Perëndimor. Nuk është situata në veri që e ka acaruar dialogun Kosovë-Serbi. Është Serbia ajo që gjithnjë acaron situatën në rajonin tonë nëpërmjet sulmeve të njëpasnjëshme në rajonin e Kosovës". "Nuk ka javë që kalon që dikush nga Serbia nuk gjuan me armë policiët që janë në territorin e Kosovës. Duke zbatuar në përpikëri planin që dikur Putini e patë zbatuar kundër Ukrainës në vitin 2014. Vuçiqi dhe Serbia po synojnë ë të destabizliojnë të gjithë Ballkanin Perëndimor, nëpërmjet destabilizimit të rajonit po mundohen të atakojnë vlerat dhe sistemin e vlerave mbi të cilat qëndron BE dhe NATO". "Asaj që ngjan në veri, Serbia vazhdimisht fut armatim ilegalisht në Kosovë, Serbia vazhdimisht trajnon pjesë të strukturave ilegale në ushtrinë serbe, që ata të shkaktojnë probleme që kanë me armët që kanë futur ilegalisht në veri. Vazhdimisht i terrorizon, intimidon dhe i sulmon qytetarët serbë që jetojnë në veri. Kjo është një sfidë për të gjithë rajonin tonë, nuk duhet të lejojmë që plani i Putinit të zbatohet nga Vuçiqi në Ballkanin Perëndimor", ka thënë Osmani. Osmani ka theksuar se të gjithë shqiptarët duhet të qëndrojnë të bashkuar dhe bashkë me aleatët që i kanë ndihmuar të dyja shtetet të jenë deri këtu.