Orkestra e Filharmonisë së Kosovës dhe pesë pianistë vijnë me dy koncerte për piano të Beethovenit

Orkestra e Filharmonisë së Kosovës, prezanton ciklin e plotë të koncerteve për piano të Beethovenit, në dy mbrëmje koncertale sonte dhe me datë 7 nëntor 2025, prej orës 19:30, në Prishtinë. Pesë pianistët, Artemida Qarri, Jeta Dumnica, Lirika Pula, Misbah Kaçamaku dhe Pranvera Hoxha, të shoqëruar nga Orkestra e Filharmonisë së Kosovës, do të interpretojnë secili nga një koncert për piano dhe orkestër të shkruar nga Beethoveni, nën drejtimin e dirigjentit Peter Valentovič. Sonte do të interpretohen koncertet nr. 1, 2 dhe 4, ndërsa më 7 nëntor koncertet nr. 3 dhe 5. Të dy koncertet mbahen në Pallatin e Rinisë dhe Sportit, Salla e Kuqe në Prishtinë./Klankosova.tv