Organizatorët e festivalit spanjoll mbrojnë vendimin për të shpërblyer Johnny Depp-in

Festivali spanjoll i filmit, San Sebastian, pritet që ta nderojë aktorin amerikan, Johnny Depp, me çmimin Donostia. Sidoqoftë, ky njoftim nga organizatorët është pritur me kritika të rënda nga Shoqata e Filmbërësve Femra e Spanjës. “Sipas të dhënave të dëshmuara që i kemi në duar, Jonny Depp as nuk është arresuar, as ngarkuar e dënuar në asnjë formë për sulm apo dhunë ngaj ndonjë gruaje”, thuhet në deklaratë. “Po e përsërisim, ai nuk është akuzuar nga asnjë autoritet në asnjë juridiksion, e as nuk është dënuar në ndonjë formë të dhunës kundër grave”.