Orari i xhiros së dytë: Kryendeshja në Suharekë, Gjilani për këndellje në "Zahir Pajaziti"

Java e dytë e kampionatit elitar në futbollin kosovar do të vazhdojë gjatë kësaj mesjave. Krye-ndeshja do të zhvillohet në Suharekë, aty ku Ballkani do të jetë nikoqir i Feronikelit, njofton Klan Kosova. Dy skuadrat kanë arritur fitore në xhiron e parë, madje katër ishin numri i golave që shënuan në duelet e tyre që kishin përball Besës e Gjilanit. Duel tjetër interesant pritet të jetë edhe ai në mes të Llapit dhe Gjilanit. Për llapjanët ky do të jetë dueli i parë zyrtar në këtë edicion, kurse Gjilani pritet të kërkon këndellje pas zhgënjimit në ndeshjen e parë. Kurse, në Obiliq, Arbëria pas fitores kundër 89-shit, do të kërkojë befasinë e dytë, pasi përballet me Prishtinën. Kampioni aktual, Drita, as në këtë xhiro nuk do të luajë në Superligë. E gjitha kjo pasi të enjten do të zhvilloj përballjen e Ligës së Evropës në udhëtim te Legia e Warshaws. Të gjitha ndeshjet do të transmetohen drejtpërdrejt në platformën Art Motion dhe Klan Kosova. E martë Drenica – Besa, ora 16:00 Arbëria – Prishtina, ora 16:00 E mërkurë Llapi – Gjilani, ora 16:00 Ballkani – Feronikeli, ora 16:00 Drita – Trepça 89, zhvillohet më vonë.