Oda e Mjekëve të Kosovës takohet me Shoqatën e Mjekëve Familjarë të Kosovës

Gjatë ditës së sotme në zyret e Odës së Mjekëve të Kosovës, është mbajtur takimi i përbashkët i Kryetarëve të Odës së Mjekëve dhe Shoqatës së Mjekëve Familjarë të Kosovës.

Në këtë takim u diskutuan shumë çështje në interes të komunitetit të mjekëve, dhe në veçanti u diskutua rreth diskriminimit në gradimin e mjekëve specialist të mjekësisë familjare, njofton Klan Kosova.

Në këtë takim u mor qëndrim që i vetmi opsion i pranuar i gradimit në kuadër të Ligjit për paga të jetë propozimi i përbashkët i MSH dhe OMK ku mjekët janë ndarë në tri kategori, mjek i përgjithëshëm, mjek specializant dhe mjek specialist.

Prandaj, çdo ndarje e specialistëve të mjeksisë familjare nga specialistët tjerë do të shkaktoj çrregullim me përmasa destabilizuese në sistemin tonë shëndetësorë , me ç'rast ''filtri'' i sistemit të referimit do të zhdukej, thuhet në kumtesën e dërguar, njofton Klan Kosova.