Nunes heroi i Cityt, shënon në fund të takimit për fitoren ndaj Aston Villës

Manchester City e ka mposhtur Aston Villën në fund të takimit me rezultat 2:1. Pjesa e parë u mbyll baras, ndonëse City e nisi mirë, ku që në minutën e 7-të kaluan në epërsi me golin e Silvas. Por, 11 minuta më vonë, Aston Villa vuri sërish baraspeshë në fushë, pasi Rashford u tregua i saktë nga pika e bardhë. City e dominoi pjesën e mbetur të lojës, por që golin e fitores e gjeti tek në minutën e 94-të të shtesës, ku Nunes shënoi për 2-1. Me këtë fitore, City gjendet në vendin e tretë me 61 pikë, kurse Aston Villa pozicionohet në vendin e shtatë me 57 sosh.