Nuk vendos as për Kosovën e as për Shqipërinë, Leon Myrtaj do të veshë fanellën e Hungarisë

Shqipëria do të humbasë një nga talentet më premtuese. Bëhet fjalë për Leon Myrtaj me prejardhje nga Kosova, anësorin e Tottenham U18, i cili ka vendosur të përfaqësojë Hungarinë në futbollin ndërkombëtar. Mediat e Shqipërisë kanë raportuar se Myrtaj ka marrë këtë vendim pasi ndjeu se nuk u trajtua në mënyrë të drejtë nga federata shqiptare, transmeton Klankosova.tv. Megjithatë ai gëzon të drejtën për të luajtur për Hungarinë, pasi nëna e tij është hungareze. Derisa luante për Shqipërinë në grupmoshat U-15 deri në U-17, Myrtaj kishte 10 paraqitje dhe 4 gola, duke treguar potencialin e tij të madh si një lojtar ofensiv. Ky vendim shënon një humbje të dukshme për Kombëtaren Shqiptare, e cila humbet një talent të ri me perspektivë ndërkombëtare. /Klankosova.tv