Nuk ju lejohet prezenca në Napolit, tifozët e Milanit pushtojnë qendrën stërvitore para ndeshjes

Atmosferë e jashtëzakonshme është krijuar në Milanello, ku rreth 4 mijë tifozë të Milanit, ndoshta edhe më shumë, janë mbledhur për të mbështetur skuadrën vetëm dy ditë para ndeshjes vendimtare ndaj Napolit, transmeton Klankosova.tv.

Even with the away ban, Curva Sud Milano is at Milanello today to support the players during training ahead of the huge Napoli game this Monday. ⚫️??? pic.twitter.com/VkoQnshEfK

— Ultras Clips (@ultras_clips) April 4, 2026

Me shalle kuqezi, flamuj dhe kore të pandërprera, tifozët kanë rikthyer një atmosferë që të kujton vitet më të arta të klubit, shkruan Klankosova.tv. Skuadra, e udhëhequr nga kapiteni Mike Maignan, doli për të përshëndetur tifozët në hyrje të qendrës stërvitore, mes brohoritjeve dhe duartrokitjeve. Mediat italiane raportojnë se ky moment rikujtoi skena nga vitet ’90 apo edhe nga sezoni i titullit në 2022. Arsyeja e kësaj pranie masive lidhet edhe me ndalimin e udhëtimit të tifozëve për në Napoli, çka ka shtyrë Curva Sud të afrohet pranë skuadrës dhe të japë mbështetje direkte para një ndeshjeje që mund të vendosë fatin e sezonit. Me një fitore, Milani futet fuqishëm në garë për titullin, ndërsa në të kundërt, ndeshja me Napolin do të jetë vendimtare për vendin e dytë dhe zonën Champions. Përballë Napolit pritet që Milani të zbresë në fushë me një repart ofensiv të përbërë nga Nkunku, Gimenez dhe Fullkrug. Ky i fundit, i ardhur vetëm tre muaj më parë, ka fituar menjëherë simpatinë e tifozëve, madje duke u bashkuar me ta edhe në këngë gjatë këtij takimi të veçantë në Milanello.