Nuk i zbatuan rregullat, dy personave nga Senegali u ndalohet ta vizitojnë Murin e Madh të Kinës

Dy persona nga Senegali e kanë të ndaluar ta vizitojnë Murin e Madh të Kinës, kjo pasi i kanë thyer disa rregulla. Operatori i seksionit Mutianyu ka deklaruar se ata nuk i kanë përfillur disa udhëzues që ishin të vendosur në Mur, në të cilët thuhej se nuk do të duhej të shkelnin në atë pjesë. "Nga pikëpamja e sigurisë, Muri i Madh është i pjerrët dhe tullat janë të lirshme, kështu që nëse nuk jeni të kujdesshëm, do të humbni ose do të plagoseni". "Asnjëherë nuk është i përshtatshëm për ngjitje dhe ecje", thuhet në shkrimin e operatorit. Një pjesë e Murit është e paqëndrueshme dhe ka nevojë për riparim, shkruan CNN, transmeton Klan Kosova. Operatori u bën thirrje vizitorëve të respektojnë dhe mbrojnë strukturën antike, e cila është një vend i trashëgimisë botërore të UNESCO-s. Autoritetet kineze shumë personave ua kanë ndaluar vizitën e Murit kinez pasi nuk kanë përfillur rregullat e tij.