Nuk e pagoi taksinë që e ktheu nga burgu në shtëpi, kthehet në burg

Një burrë në Florida është përballur me një situatë të pazakontë. Ai ishte liruar nga burgu dhe kishte marrë një taksi për ta dërguar në shtëpi. Mirëpo, 40-vjeçari Charles Folk, nuk kishte pasur para për ta paguar takistin, andaj ishte arrestuar nën akuzë për vjedhje. Udhëtimi prej 50 kilometrash burg-shtëpi i kishte kushtuar 70 dollarë, shumë të cilën nuk e kishte as Folku, por as motra e cimeri i tij. Kjo kishte bërë që taksisti ta telefononte policinë, dhe Folk qe kthyer nga aty ku kishte dalë. Herën e parë ai kishte përfunduar në burg për dëmtim të pronës së tij dhe të cimerit të tij.