Hetues Policor nga Njësiti i Hetimeve të Stacionit Policor në Novobërdë kanë gjetur automjetin e raportuar si të vjedhur me datë 17 qershor 2026 në fshatin Kufcë e Epërme.
Sipas njoftimit, si rezultat i veprimeve intensive operative e hetimore në terren në koordinim me Prokurorinë e Shtetit, janë siguruar prova të arsyeshme që tregojnë se rasti nuk paraqet elemente të veprës penale “Vjedhje e rendë”, transmeton Klankosova.tv.
Bëhet e ditur se nga verifikimet dhe intervistat e zhvilluara është konstatuar se raportimi ka ndodhur si rezultat i mungesës së informacioneve të plota nga ankuesja lidhur me shfrytëzimin e automjetit Audi me targa vendore të cilin automjet e kishte marrë në shfrytëzim një familjar i saj në atë kohë.
Gjatë hetimeve janë sqaruar të gjitha rrethanat relevante që kanë çuar deri te raportimi i rastit, transmeton Klankosova.tv.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
