Notarja Hana Beiqi flet para garës: Po më realizohet ëndrra

Notarja Hana Beiqi, sot do të debutojë në Lojërat Olimpike "Paris 2024". Para nisjes së garës, Beiqi ka folur për kanalin zyrtar të Komitetit Olimpik të Kosovës. Ajo tha se tashmë asaj iu ka plotësuar ëndrra. ”Pjesëmarrja në Lojërat Olimpike normalisht që është punë e gjatë, prej fillimit të karrierës sime e kam pasur deshirë me marr pjesë në Lojërat Olimpike dhe tashmë mu ka plotësuar dëshira, ëndrra jem prej se ia kam nis notit, normalisht ka qenë një rrugëtim i vështirë, sidomos me luftën ndërmjet federatës, por me rëndësi ia kam dal e kom qit provën që mundem të arrijë edhe mundem me qenë anëtare e Komitetit Olimpik dhe shpresoj ta përfaqësoj Kosovën dhe ta dërgojë në nivelin më të lartë në sportin e notit", deklaroi ajo. 15-vjeçarja është një nga sportistet më të reja që garon në LO. Hana Beiqi, sot garon në disciplinën stil i lirë në 50 metra.