Nobelisti Dylan me muzikë të re (VIDEO)

  Fituesi i çmimit Nobel për letërsi, tekstshkruesi dhe muzicienti Bob Dylan ka vënë në shitje setin me tre disqe “Triplicate”, e që përmban 30 inçizime flakë të reja të melodive klasike amerikane, duke shënuar kështu setin e parë trefish të gjatë të karrierës së tij të shquar. Secili disk është i titulluar individualisht dhe i prezantuar në sekuenca me nga 10 këngë, e që e shfaqë talentin e tij unik si vokalist, aranzhues dhe udhëheqës bendi, thuhet në një postim në faqen e tij zyrtare. Ky album i prodhuar nga Jack Frost është seti i 38-të në studio nga Bob Dylan dhe është prodhimi i tij më i ri muzikor që nga Fallen Angels që u realizua herët në vitin e kaluar. Në ueb-faqen e tij zyrtare, Triplicate do të realizohet në disa konfiguracione. Ky set i tij do të jetë në dispozicion në iTunes për para-porosi, ndërsa një nga këngët e tij “I Could Have Told You” mund të lëshohet përmes “Vinyl Video” në YouTube. Të gjitha produktet fizike do të jenë në dispozicion për t’u para-porositur në dyqanin bobdylan.com. https://www.youtube.com/watch?v=BJdKQ92-H_c