Noa Lang përfundon në spital pas përplasjes së rëndë në “Anfield”

Sulmuesi i Noa Lang ka pësuar lëndim të rëndë në ndeshjen e mbrëmshme në Anfield, pasi u përplas me tabelat reklamuese pranë vijës anësore. Sipas mediave angleze, lojtari pësoi një prerje të thellë në dorë, konkretisht në gishtin e madh, duke shkaktuar gjakderdhje të madhe dhe panik në fushë. Ai mori menjëherë ndihmën e stafit mjekësor dhe u largua me barelë drejt spitalit për trajtim të specializuar. Raportimet fillestare tregojnë se bëhet fjalë për një lëndim serioz që mund të kërkojë ndërhyrje kirurgjikale, ndërsa periudha e mungesës pritet të jetë disa javë, në varësi të rikuperimit. Nga kampi i Galatasaray kanë konfirmuar se gjendja e lojtarit është nën kontroll, por lëndimi mbetet shqetësues në këtë fazë të sezonit. Lang pritet t’i nënshtrohet ekzaminimeve të tjera për të përcaktuar saktësisht shkallën e lëndimit dhe kohën e rikthimit në fushë./Klankosova.tv