Një udhëtim më ndryshe me biçikleta, pjesëmarrësit janë të zhveshur

Disa biçiklistë në Filadeflia të Shteteve të Bashkuara të Amerikës kanë organizuar një udhëtim vjetor, i cili është më i veçantë se të zakonshmit. Pjesëmarrësit e këtij organizimi nuk do të kenë nevojë të veshin asnjë rrobë, pos bikinive. Organizatorët e udhëtimit vjetor Philly Naked Bike Ride, thonë se ngjarja e këtij viti do të zhvillohet më 28 gusht, aty kërkohet të vendosen vetëm maskat, bazuar në kufizimet e mëparshme të qytetit sa i përket koronavirusit. Organizatori kryesor, Wesley Noonan-Sessa, ka thënë se ata do të respektojnë masat që janë të vendosura nga qyteti për luftimin e përhapjes së COVID-19, shkruan AFP, transmeton Klankosova.tv. Pjesëmarrësit e këtij organizimi do të mblidhen në një park, ku më pas do të pikturojnë trupin e njëri-tjetrit. Sipas organizatorëve, udhëtimi i zhveshur është për të promovuar imazhin pozitiv të trupit si dhe për të ndaluar përdorimin e lëndëve djegëse.