Një truk i thjeshtë për kocka të forta

Osteoperoza prek në mënyrë disproporcionale gratë, dhe jo në numër të vogël - deri në 80% të të gjitha rasteve të osteoporozës diagnostikohen tek gratë. Duke pasur parasysh këtë statistikë të habitshme, është e qartë se të gjithë, veçanërisht gratë, duhet t'i kushtojnë vëmendje të veçantë shëndetit të kockave të tyre. Mund të mendoni se kjo do të thotë të shmangni aktivitetet e lodhshme, por e vërteta është në të vërtetë e kundërta. Përfshirja e ushtrimeve me intensitet të lartë në rutinën tonë mund të jetë çelësi për parandalimin e osteoporozës. Është një aktivitet shumë i thjeshtë – kërcimi, transmeton Klankosova.tv. Fuqia e kërcimit për kocka të forta Sipas mjekes Vonda Wright, një kirurge ortopedike e specializuar në mjekësinë sportive, përgjigjja është shumë e qartë: "Hulumtimet kanë treguar se forca e gjeneruar nga vetëm 20 kërcime në ditë mund të stimulojë rinovimin dhe mineralizimin e kockave." Wright thekson se është "një mënyrë e shkëlqyer për të parandaluar osteoporozën". Është e rëndësishme të theksohet se kërcimi jo vetëm që shërben për të ndërtuar, por edhe për të rindërtuar masën kockore, kështu që nuk është kurrë vonë për të filluar. Për shembull, Dr. Wright citon astronautët e NASA-s që ushtrojnë rregullisht në trampolinë për të rifituar dendësinë e kockave pas kohës së tyre në hapësirë. Përveç kësaj, kërcimi ndihmon në rikthimin e forcës fizike dhe përmirëson shpejtësinë e reagimit, dy aftësi që bien natyrshëm me moshën, shton trajneri i fitnesit Marcel Dinkins, transmeton Klankosova.tv. Pse gratë janë në rrezik më të madh? Ky informacion është veçanërisht i rëndësishëm për gratë, të cilat janë në një rrezik dukshëm më të lartë për të zhvilluar osteoporozën, por edhe për frakturat që janë pasojë e saj. Ka disa arsye kryesore pse kjo është kështu. Para së gjithash, shpjegon dr. Wright, "burrat gjatë gjithë jetës kanë nivele më të larta të testosteronit, i cili është thelbësor për ndërtimin e kockave".