Do jem sot gjatë ditës në stendën Onufri në Panairin e Librit për të takuar lexues, për t’iu përgjigjur pyetjeve të shumta që marr dhe për të dhënë autografe për romanin Jam Mysliman.
Kënaqësia më e madhe e një lexuesi është kur blen një libër të mirë dhe duke e lexuar shpirti i tij qetësohet, zemra e tij rritet, mendja e tij merr përgjigjet që do dhe koha kalon pa u ndjerë.
Por lexuesit duhet të dinë një sekret të vogël për shkrimtarët.
Nuk ka moment më të bukur për një shkrimtar sesa kur takon një lexues të mirë, por edhe një të keq, një që nuk i njeh fare që nuk ka lexuar asgjë apo që të urren.
Shkrimtarët mund të jenë të mirë siç mund të jenë të këqinj por lexuesit janë gjjthmonë të mirë.
Lexuesit mund të jetojnë pa shkrimtatët por shkrimtarët nuk jetojnë dot pa lexuesit.
Ky është sekreti i kësaj marrëdhënie të pandashme që i kthen shkrimtarët në somnambul kronikë.
Ata ecin në errësirën e kohës duke kërkuar lexues, duke i ndjekur pas si të marrë.
Ju pres në Panairin e Librit.
Mund t’ju tregoj dhe ca sekrete të tjera për shkrimtarët.
●●●
AHSHKRIMI NGA
Alberta Hyseni
Editorial nga Klan Kosova — ndjek kolumne dhe zhvillimet e tjera kryesore të vendit.
