Një rikthim me Norën? Roberti: Nëse bashkohemi...

Këngëtari dhe prezantuesi i njohur, Robert Berisha, ka folur për raportet me ish-bashkëshorten e tij, Nora Istrefin. I pyetur nga Rudina Magjistari në lidhje me një ribashkim të tyre, ai u shpreh se nuk i dihet, duke lënë të hapur të gjitha shpresat për adhuruesit e çiftit se, në një të ardhme, ata mund të jenë sërish bashkë. “Jam i lirë, jam i fokusuar në punë, jam duke bërë albumin tim të parë pas 10 viteve me 12 këngë të reja dhe jam përkushtuar shumë në atë drejtim, Kam qejf të jem pak i lirë dhe po e vë re se nuk jam i gatshëm dhe nuk do të kisha qejf të lëndoja të njëjtin person dy herë.” Në lidhje me unazën që Roberti i dhuroi Norës, e cila tërhoqi vëmendjen e të gjithë ndjekësve të emisionit të tij dhe jo vetëm, ai e cilësoi atë gjest vetëm si një shenjë simbolike e dhuruar nga disa miqtë e tij, për ta mbajtur më pas vajza e tyre Renee, shkruan Tv Klan, transmeton Klankosova.tv. “Nëse bashkohemi, bashkohemi, por për unazë nuk ka nevojë, s’ka nevojë të bëjmë harxhime”, pohoi Berisha.