Një kopje e Mona Lizës do të dalë në ankand në Paris

Një kopje e Mona Lizës së Leonardo da Vinçit që daton më shumë se 400 vjet më parë do të dalë në një ankand në Paris, disa muaj pas një riprodhimi tjetër të një prej portreteve më të njohur në botë të shitur për një çmim rekord. Origjinali i Leonardos mund të gjendet në muzeun e Luvrit të Parisit dhe nuk është në shitje. Por, kopja që është në shitje, që daton rreth vitit 1600 është aq e ngjashme me origjinalin sa që ka të ngjarë që artisti të ketë pasur qasje të afërt në versionin e Leonardos, tha shtëpia e ankandeve “Artcurial”. Ai vlerëson se kopja do të kushtojë 150 deri në 200 mijë euro, shkruan Reuters, transmeton Klankosova.tv. "Mona Lisa është gruaja më e bukur në pikturë," u shpreh eksperti i shtëpisë së ankandeve "Artcurial".