Një fije shprese: Viagrat ndihmojnë në mbytjen e qelizave kancerogjene

Barnat që zakonisht përdoren për të “ndihmuar” dhjetëra miliona meshkuj për mosfunksionim erektil mund të ndihmojnë në rritjen e shkallës së mbijetesës ndaj kancerit. Studiuesit kanë zbuluar se fosfodiesteraza e tipit 5 (PDE5), një kimikat që gjendet në Viagra, mund të ndihmojë në tkurrjen e tumoreve që gjenden në ezofag, shkruan The Sun. Pilulat e vogla blu, madje mund të bëjnë kimioterapinë me efektive tek ata që janë rezistentë ndaj trajtimit. Shpresohet se ilaçet do të ndihmojnë të trajtojnë gjithashtu edhe kanceret e tjera, transmeton KlanKosova.tv. Ata të cilët janë të prekur me këtë lloj kanceri, kanë vetëm 20 përqind shanse të mbijetojnë më shumë se pesë vite. Pra ky lloj kanceri, prek tubin ushqimor që lidh gojën me stomakun. Aktualisht kjo sëmundje ka rezultate dhe mundësi trajtimi shumë më të dobëta në krahasim me kanceret e tjera. Një pjesë e arsyes për këtë është se kanceri di të jetë rezistent ndaj kimioterapisë, shpjegoi, profesori  Tim Underwood, nga Universiteti i Southampton. Rreth 80 përqind e njerëzve që kanë kancer nuk i përgjigjen kimioterapisë , ka zbuluar një studim i mëparshëm. “Gjetja e një ilaçi, i cili tashmë do të ju përshkruhej njerëzve çdo ditë do të ishte një hap i madh përpara në trajtimin e kësaj sëmundjeje të vështirë për tu trajtuar”, ka shpjeguar profesori. Ilaçi vepron duke relaksuar qelizat të cilat nganjëherë mbrojnë nga qelizat e kancerit – të cilat ndodhë që kimioterapia nuk ka efekt. Hulumtimi, i botuar në “Cell Reports Medicine”, është ende në fazat e hershme, por ekipi shpreson të fillojë së shpejti provat njerëzore. Nëse është i suksesshëm, ky trajtim mund të ndihmojë  shumë njerëz të diagnostikuar me kancer të ezofagut. Michelle Mitchell, shefe ekzekutive e kërkimeve për kancer në Britaninë e Madhe, tha: "Zhvillimi i barnave të reja për kancerin është tepër i rëndësishëm, por ta bësh këtë nga e para është një proces sfidues dhe shumë dështojnë gjatë rrugës”. /klankosova.tv/