Nisin punimet arkeologjike në kalanë e Korishës

Kanë filluar punimet arkeologjike në kalanë e Korishës, një lokalitet me rëndësi historike që i takon periudhës Dardane dhe Bizantine. Sipas ministrisë së Kulturës, atje janë zbuluar gjetje të vlefshme që pasqyrojnë trashëgiminë e pasur të vendit, përcjell Klankosova.tv. “Me mbështetje të garantuar për tri vitet e ardhshme, do të vazhdojnë punimet dhe mbikëqyrja e vazhdueshme, duke siguruar ruajtjen e këtij thesari të çmuar kulturor dhe historik për brezat e ardhshëm”, thuhet në njoftimin e MK-së.