Nis Festivali i Arkitekturës në Kosovë - mbahen aktivitete të ndryshme

Edicioni i 13-të i Festivalit të Arkitekturës në Kosovë, ka filluar dje dhe do të zgjasë deri më 21 shtator 2025, me aktivitete të ndryshme. Këtë vit do mbahen dy punëtori me fokus në arkitekturën e pejsazhit. Punëtoria e parë do udhëhiqet nga Jean Francois Gauthier, Sylva Atelier, arkitekt nga Brukseli dhe Roterdami, kurse punëtoria e dytë udhëhiqet nga Dea Buza, arkitekte dhe urbaniste nga Prishtina dhe Tirana. Në këtë edicion do të organizohen tre turne, dy në Prishtinë "Prishtina Alternative" dhe "Prishtina Moderne", ndërsa turneu i tretë do vizitoj objektet moderne të Shkupit. Ngjarja kryesore në festival mbeten Ligjëratat Publike që do mbahen më 17, 18 dhe 19 shtator. Më 17 shtator është ligjërata e Ilias Papagiourgious, nga Athina, po atë ditë ligjëratë do mbajnë edhe Iryna Miroshnykova dhe Maria Noschenko, Cultural Pavilion, Kiev. Ligjërata e arkitektëve nga Ukraina do pasohet me një panel diskutimi me arkitektë lokal si dhe ata nga Ukraina dhe Mbretëria e Bashkuar. Më 18 dhe 19 shtator ligjëratat do mbahen në hapësirat e Kino Armata. Më datë 18 shtator në programin e ligjëratave publike janë: Dea Buza, Tiranë/Prishtinë, Jean Francois Gauthier, Sylva Alelier, Bruksel/ Roterdam, Simon Hartmann, HHF Architects, Bazel. Më 19 shtator, janë ligjëratat e Erzë Dinarama, Kuratore dhe Arkitekte e Paviljonit të sivjetëm të Kosovës në Bienalen e Venecias, Harald Trapp, Vjenë dhe Beatrice Grenier, Fondacioni Cartier për Art dhe Kulturë, Paris./Klankosova.tv