Nicki Minaj nuk nominohet për Grammy, i dalin në krah The Game dhe Doja Cat

Nominimet për Grammy u shpallën të martën dhe diçka u vu re sigurt: mungesa e rep artistes ikonike Nicki Minaj. Kjo erdhi edhe përkundër publikimit të një sërë këngësh të suksesshme, duke përfshirë "Super Freaky Girl", e cila u bë solo e saj e parë numër një në "Billboard Hot 100”. Nicki ka qëndruar e heshtur për mospërfilljen nga organizatorët e Grammy-t, por fansat dhe kolegët e saj kanë përdorur rrjetet sociale për të shprehur zhgënjimin e tyre, shkruan "RapUp", transmeton Klankosova.tv. Edhe rep artisti The Game, i cila u shfaq në videon e Nickit "Pills N Potions", doli në mbrojtje të saj. “Kjo është qesharake", tha The Game, duke shtuar se rep artistja ia ka hapur dyert e kulturës repereve të tjera. Edhe Doja Cat gjithashtu i doli në mbështetje bashkëpunëtores së saj në "Say So", duke e quajtur Minajn “mbretëreshë të repit”. Nicki nuk ishte e vetmja që nuk morri nominime Grammy. Summer Walker gjithashtu nuk mori asnjë nominim për albumin e saj “Still Over It”. /Klankosova.tv