Nick Cave me fjalë të fuqishme për Anita Lane-n pas vdekjes së saj

Këngëtari australian, Nick Cave, e ka ndarë me publikun pikëllimin e tij pas vdekjes së ish-partneres dhe ish-anëtares së bendit të tij, Anita Lane. Më herët gjatë kësaj jave u dha lajmi që Lane kishte vdekur në moshën 61 vjeçare. Ajo dhe Cave kishin qenë në lidhje në vitet 1977-1983, por kishin mbetur miq e bashkëpunëtorë edhe pas ndarjes. Pos punës me bendin The Bad Seeds, ajo po ashtu i kishte publikuar dy albume solo. “Mendon që e njeh zinë, mendon që ia ke mësuar mekanikën, mendoj që je bërë i zgjuar karshi zisë – më i fortë, më i urtë, më i përballueshëm – mendon që nuk ka asgjë që mund të të lëndojë në botë, dhe pastaj vdes Anita”, ka shkruar Cave. “Si mundej diçka aq e ndritshme të bartë aq shumë errësirë? Pinte xhin nga shishja e foshnjes. Përbuzte konceptin e muzës por qe muza e gjithsecilit. Fliste me zë fëmije dhe ishte shoqja ime më e ngushtë. Dy muaj më parë, kur flisja me të në telefon ajo dukej miliona milje larg”. “I donte fëmijët e saj më shumë se gjithçka. Ata ishin krenaria dhe gëzimi i saj. Ishte edhe lehtë edhe tmerruese ta doje atë. Lë një hapësirë të madhe dhe të përlotshme”. https://www.youtube.com/watch?v=YbHuOgzKl5c