Ngritja e gjyqtarit rumun, brenda katër vjetësh i referon tri finalet e garave më të mëdha evropiane për klube

Gjyqtari rumun, Istvan Kovaks, tashmë dihet se do ta referojë finalen e sivjetme të Ligës së Kampionëve midis Paris Saint-Germainit dhe Interit. Ai kësisoj ka arritur një ngritje të hatashme në karrierën personale pasi që fillimisht më 2022 e kishte referuar finalen e Ligës së Konferencës në Tiranë midis Romës dhe Feyenoordit. Vitin e kaluar ai ishte gjyqtar në triumfin e Atalantës ndaj Bayer Leverkusenit, 3:0, në garën e dytë për nga rëndësia, Ligën e Evropës. Karriera e tij në nivel klubesh tashmë ka kulmuar me besimin që i është dhënë sivjet për të gjykuar finalen e Mynihut.