Nga Prishtina në Tiranë: Zërat e operës në një natë shqiptare

Opera e Kosovës do të paraqitet me një mbrëmje artistike në Tiranë, kësaj radhe me një bashkëpunim të veçantë me festivalin Albanian Brass Festival, në kuadër të edicionit të 10-të të këtij festivali. Në këtë aktivitet do të promovohet libri “14 këngë popullore shqiptare” për kuintet tunxhi, me autor Maestro Edmond Doko, transmeton klankosova.tv. Albanian Brass Quintet, ansambli vokal Okteti Plus, solistët Elona Sadiku (mezzosoprano) dhe Liridon Sadriu (tenor) do të interpretojnë këngë solo dhe duete nga ky libër, në një ndërthurje emocionuese zëri dhe instrumentesh. Kjo ngjarje mbahet më 26 maj, nga ora 19:00, tek Biblioteka COD, pranë Kryeministrisë në Tiranë.