Nga futbolli i Kosovës në Ligën e Kampionëve përballë yjeve botërorë

Me gola spektakolarë, duke 'vallëzuar' me topin në thuajse çdo stadium të Kosovës, duke dribluar edhe mbrojtësit më të mirë të Superligës, Ermal Krasniqi po e shfrytëzonte maksimalisht mundësinë e titullarit te Ballkani, të cilën ia krijoi transferimi i Arbër Hoxhës nga ky klub te Slaven Belupo në Kroaci. Kualiteti i sulmuesit të krahut, pos që e ndihmoi skuadrën nga Suhareka të shpallej kampione e shtetit, për herë të parë që nga themelimi i klubit, bashkë me kualifikimin historik në grupet e Konferencë Ligës, bëri poashtu shumë menaxherë futbolli t’i kthejnë sytë nga lojtari që nga Tërpeza e Malishevës, po shikonte teksa i hapesheni shumë rrugë suksesi para vetës. Transferimi i tij për 250 mijë euro nga kampionët e Kosovës te Cluji rumun, sikurse edhe paraqitjet fantastike të tij me skuadrën e re, bënë që klube me renome nga Rumania, ta kthejnë vëmendjen në kampionatin e Kosovës, njofton Klankosova.tv. Futbollisti i radhës që do ta ndiqte rrugën e Krasniqit, ishte bashkëlojtari i tij te “Xhebrailat”, Albion Rrahmani. Ky i fundit e festoi edhe një titull më shumë me Ballkanin dhe për shifër rekorde prej 600 mijë eurosh, nënshkroi me një prej ekipeve më të suksesshme të Rumanisë, Rapidin e Bukureshtit. [caption id="attachment_2403108" align="alignnone" width="896"] Ermal Krasniqi dhe Albion Rrahmani në një ndeshje të 'UEFA Conference League' me Ballkanin[/caption] Ky klub, pos “Lewandowskit” kosovar, e mori nga rivali i tyre edhe Ermal Krasniqin, duke bërë bashkë sërish dyshen “vrastare” të portave kundërshtare. Paraqitjet e jashtëzakonshme të dy reprezentuesve të shtetit të Kosovës në kryeqendrën rumune, bënë që të ketë rrebesh ofertash për ta, teksa fati duket se nuk e kishte ndërmend t’i ndante. Gjiganti çek, Sparta e Pragës, nënshkroi me të dy! Kjo skuadër me kontributin e madh të Krasniqit dhe Rrahmanit, pas plot 19 vjetësh u rikthye në fazën finale të kompeticionit më të madh në botë për klube, Ligën e Kampionëve, raporton Klankosova.tv. 38 herë kampioni i Çekisë menjëherë la shenja dinjiteti në këtë garë, duke triumfuar 3-0 kundër Salsburgut austriak, e duke barazuar 1-1 si mysafir i ekipit të madh gjerman, Stuttgart. [caption id="attachment_2403109" align="alignnone" width="596"] Ermal Krasniqi dhe Albion Rrahmani me Spartën e Pragës[/caption] Vëmendja e shumë “skautëve” nga gjithë kontinenti është rritur jashtë mase për dy ish-futbollistët e Ballkanit, teksa sonte për ta mund të hapet mbase dritarja më e madhe e deritanishme. Krasniqi dhe Rrahmani zbresin me Spartën e tyre në njërin prej stadiumeve kryesorë në Evropë, atë të Manchester Cityt. Përballja në “Etihad” me gjigantin evropian është mundësi e artë e yjeve kosovarë, transmeton Klankosova.tv. “Mali” dhe “Lewa” për vetëm dy vjet, arritën që me përkushtimin e tyre maksimal, me kokën ulur e vullnetin e skajshëm, sonte të luajnë përballë lojtarëve prej më të mëdhenjve në botë, si Erling Haland, Kevin De Bruyne, Rodri, Bernardo Silva e shumë të tjerë. Ky duel i "Spartanëve" nga Kosova me "Citizens", transmetohet direkt në kanalin Sport 3 të platformës gjigante, Art Motion, me fillin në orën 21:00!