Nesër mbahet koncerti i Festivalit ''DAM'' - performojnë artistë të njohur botëror

Drejtori artistik i Festivalit ''DAM'', Dardan Selimaj bashkë me Drejtorin e Filharmonisë së Kosovës Baki Jasharin, kanë mbajtur sot një konferencë të përbashkët ku kanë prezantuar koncertin që do të mbahet nesër në kuadër të këtij festivali. Aty është bërë e ditur që nesër në atë koncert do të luaj me piano Dea Bajrami si pianistja më e re që ka fituar çmimin ''Pianistja më e mirë e re 2016'', njofton Klan Kosova. Aty u tha se në atë koncert do të marrin pjesë dy artistë të njohur botëror, i cili është dirigjenti Noorman Widjaja, indoneziani i cili tash e një kohë jeton dhe performon në Gjermani dhe performuesi tjetër Iskandar Widjaja i njohur po ashtu ndërkombëtarisht. Gjatë fjalimit të tij Norman Widiaja tha se është i impresionuar me kulturën në Kosovë me Filharmoninë e Kosovës dhe me Kosovën në përgjithësi, njofton Klan Kosova. Koncerti mbahet nesër nga ora 20. në Pallatin e Rinisë.