Këngëtarja kosovare Vjollca Robelli-Mripa do të perfomojë nesër në skenën e koncerteve "Royal Albert Hall" në Londër të Britanisë së Madhe. Kjo është njëra nga skenat më të njohura në botë.
Këngëtarja ka thënë se performimi në këtë skenë është një nga ëndrrat e saj më të mëdha në karrierë.
"Me datën 3 dhjetor 2021, nga ora 9:30, do të këndojmë shqip në 'Royal Albert Hall'. Për mua është një përgjegjësi e madhe drejt promovimit të kulturës dhe muzikës shqipe, në një nga hapësirat ku kualiteti i muzikës është në nivelin më të larë botëror. Gëzuar dhe uroj të shihemi aty!",ka thënë Robelli-Mripa në rrjetin social Facebook.
Ajo ka bërë të ditur se të gjitha biletat për koncertin janë shitur, transmeton Klankosova.tv.
●●●
LGSHKRIMI NGA
L. Ga.
Editorial nga Klan Kosova — ndjek kulturë dhe zhvillimet e tjera kryesore të vendit.
