Nëna nga Brazil shiti foshnjën e porsalindur për të paguar kursin e gatimit

Një ngjarje e tmerrshme e trafikimit të qenieve njerëzore është zbuluar në Brazil, ku një nënë tentoi të shiste foshnjën e saj të porsalindur për të paguar mësimet për pjekjen e pastave. Policia braziliane njoftoi se gruaja dhe tre persona të tjerë janë arrestuar pasi shpëtuan foshnjën 27-ditore nga ky rast. Incidenti ka ndodhur në qytetin Goiânia, rreth 900 kilometra larg São Paulos. Fqinjët e gruas njoftuan autoritetet për tentativën e shitjes, dhe policia arriti të shpëtojë foshnjën, e cila po shitej për një shumë të paqartë parash. Gruaja, e cila dyshohet të ketë pasur depresion pas lindjes, ka lidhur marrëveshjen përmes të dashurit të saj, i cili nuk ishte babai i fëmijës. Ky i fundit, së bashku me një mik, kishin planifikuar shitjen e foshnjës për një biznesmene vendase që kërkonte një fëmijë, por nuk dihej se çfarë do të bëhej me fëmijën pas blerjes. Gruaja, e cila ka një dyqan akulloresh, ka mohuar akuzat dhe ka thënë se ishte duke kujdesur për foshnjën vetëm përkohësisht, shkruan Dailymail.co.uk, transmeton Klankosova.tv. Autoritetet zbuluan se biznesmenja ishte regjistruar për të birësuar një fëmijë në Regjistrin Kombëtar të Birësimeve, por nuk ishte përfshirë ende në listën e pritjes. Shefi i policisë së Goias, Humberto Teófilo, tha se nëna kishte pranuar një shumë parash për të dorëzuar foshnjën, dhe që paratë do t’i përdorte për të paguar qiranë dhe për të ndjekur një kurs gatimi. Ai shtoi se nëna priste që pagesa të bëhej në ditët në vijim. Foshnja është marrë nga shërbimet për mbrojtjen e fëmijëve dhe është vendosur në një strehë. Paulo Wanderson, një këshilltar në strehim, tha se djali ishte mirë, por shumë i uritur dhe kishte pirë një shishe të tërë qumësht. Nëse brenda 24 orëve nuk ka asnjë anëtar të familjes që kërkon foshnjën, ai mund të kalojë në procesin e birësimit.