Në vend të "Ismet babës", Ballkani sjell Blendi Shkëmbin

Pak ditë largimit të Ismet Munishit nga pozita e trajnerit të Ballkanit, ky klub e ka gjetur zëvendësimin e tij. Në vend të "Ismet babës", klubi nga Suhareka në krye të shtabit teknik do ta ketë Blendi Shkëmbin. Kjo do të jetë sfida e dytë në Kosovë për trajnerin nga Shqipëri, pasi që i njëjti ka drejtuar më parë edhe skuadren e Lirisë nga Prizreni. Lajmi është konfirmuar nga klubi nëpërmjet një njoftimi: "Mirësevjen Bledi Shkëmbi, Të dashur tifoz, Kemi arritur marrëveshjen me trainerin nga Korça z. Bledi Shkëmbi. Pas shume negociatave me trainer të respektuar, të cilët i kemi kontaktuar dhe të cilët i falenderojmë për shpalosjen e programeve të tyre dhe vullnetin për të bashkëpunuar . Mirëpo, ai i cili na bindi për një bashkëpunim të ardhshëm tashme është timonieri më i ri FC Ballkani Bledi Shkëmbi. Shkëmbi ka drejtuar skuadrën KF Teuta (Durrës) dhe Liria FC (Prizren) andaj kjo është sprova e tij e dytë në Superligën e Kosovës. Na priftë e mbara Bledi Shkëmbi ? Na priftë e mbara Suharekë ?".