Lajmet e fundit
Sot luhet xhiro e parafundit e Superligës së Kosovës në futboll, ku vëmendja kryesore do të jetë në “Zahir Pajaziti”.
Nga ora 15:00, Llapi do ta presë Ballkanin, që mund të jetë përcaktuesja për titull, ku Llapi është katër pikë larg Ballkanit dhe i duhet fitorja me doemos.
Në rast të barazimit, Ballkani do të shpallet kampion qysh sot, ndërsa nëse humb, atëherë Ballkani do t’i duhet vetëm fitorja ndaj Prishtinës javën e fundit.
Interesant do të jetë edhe derbi i qytetit në mes Gjilanit dhe Dritës, ku Gjilanit i duhet fitorja për të mbetur në ligë, ndërsa Drita e ka siguruar plasmanin në Evropë.
Ndërsa, në rast të dështimit të Gjilanit, Feronikelit i duhet fitorja ndaj Dukagjinit për t’i ikur barazhit.
Ndeshja tjetër që do të luhet sot është ajo në mes Prishtinës dhe Fushë Kosovës, e që nuk ka ndonjë relevancë për renditjen në tabelë, pasi Fushë Kosova e ka siguruar rënien ndërsa Prishtina s’ka gjasë të dalë në Evropë, përveç në rast se e fiton kupën.
