Në Paris veprat e Banksyt shiten më shtrenjtë se ç’ishte parashikuar (FOTO)

Disa vepra të njohura të artistit misterioz, Banksy, janë shitur gjatë një ankandi në Paris të Francës. Për dallim me veprën “Vajza me Balonë” e cila u vetë-shkatërrua para një muaji gjatë një ankandi në Londër, kësaj radhe nuk ka pasur ndonjë incident të tillë. Përkundrazi, të gjitha veprat e ekspozuara në ankand u shitën dy apo tre fish më shtrenjtë se ç’ishte paraparë, shkruan Euronews, transmeton Klan Kosova. Veprën “Ndalo dhe Kërko” e ka blerë një koleksionist ndërkombëtar i artit për një shumë prej 65,000 eurosh. Ndërsa vepra “Kanaçja e Supës” është blerë nga një koleksionist europian për 46,800 euro. Po ashtu edhe vepra e titulluar “Mbretëresha Vic” u shit për 11,700 euro, shumë kjo katër herë me e lartë se sa ç’ishte planifikuar. Për ta shikuar çastin kur u vetë-shkatërrua vepra e njohur “Vajza me Balonë”, klikoni në linkun e mëposhtëm. http://klankosova.tv/piktura-e-banksyt-vete-shkaterrohet-ne-menyre-artistike-video/  

klankosova.tv