Në Filharmoninë e Kosovës sonte mbahet koncert si thirrje ndërgjegjësimi për krizën klimatike

Orkestra e Filharmonisë së Kosovës iu bashkua thirrjes së UNDP-së për veprim klimatik dhe do të performojë rishkrimin e veprës “Katër Stinët” të Vivaldit. Sipas një njoftimi për media kjo do të bëhet si thirrje ndërgjegjësimi për krizën klimatike dhe frymëzim për aktivizim. Koncerti do të mbahet sonte me fillim nga ora 19:00, në Sallën e Kuqe të Qendrës së Rinisë dhe Sporteve, njofton Klankosova.tv. “E titulluar "For Seasons” (Për stinët), partitura muzikore u krijua nga muzikantët e NDR Elbphilharmonie në Hamburg, inxhinierë zëri, zhvillues softuerësh dhe aranzhues muzikorë. Të dhënat klimatike që datojnë që nga viti 1725 u përdorën për të ndërtuar një algoritëm i cili më pas u shfrytëzua në "Katër stinët" e Antonio Vivaldit. Kjo vepër përfaqëson pothuajse 300 vjet të emetimeve globale të dioksidit të karbonit (CO2). Sa më e lartë të jetë vlera e CO2, aq më e gjatë është vlera e notave muzikore. Ndryshimet në stinët e shkaktuara nga ndryshimet klimatike të performuara nga orkestra vështirë harrohen.” thuhet në njoftimin për media. Tutje bëhet e ditur se "Për stinët" është një vepër që këngët e bukura të zogjve janë lënë plotësisht jashtë dhe notat nxjerrin në pah një dimër të fortë dhe të dhunshëm.