Në Bibliotekën e Gjilanit, nesër përurohet kompleti i veprave të shkrimtarit Ali Huruglica

Në bibliotekën e qytetit “Fan S. Noli” në Gjilan, nesër më 15 shkurt 2025, në orën 12:00 përurohet kompleti i veprave të shkrimtarit Ali Huruglica. Kompleti i veprës letrare të Huruglicës, shkrimtarit tonë të shquar për fëmijë që tash 29 vite i takon amshimit, botuar kohë më parë në 5 vëllime nga ana e Shtëpisë Botuese “BEQIR MUSLIU”, përurohet pikërisht në vigjilje të 17 Shkurtit – Ditës së Pavarësisë së Republikës së Kosovës. Për botimin e veprës letrare të Ali Huruglicës, do të flasë Sabit Rrustemi, editor i Shtëpisë Botuese, “BEQIR MUSLIU”, kurse vlerësime rreth kësaj krijimtarie të njërit nga shkrimtarët më të mirë të letërsisë sonë për fëmijë, do t'i paraqesin studiuesit dhe kritikët e letërsisë, Anton Nikë Berisha, Nexhat Rexha, Albinë Idrizi dhe Prend Buzhala. /Klankosova.tv