Ndotja e Liqenit të Badocit ngre alarmin për sigurinë e ujit të pijshëm (VIDEO)

Ndotja e Liqenit të Badocit ka shkaktuar shqetësim rreth sigurisë së ujit të pijes.

Organizata "Let's Do It Kosova" para disa ditëss ka paraqitur pamje ku shihet sasi e madhe e mbeturinave të hedhura në afërsi të digës. Kjo temë mjaft me rëndësi është diskutuar në emisionin “Ora Shtatë” në Klan Kosova. Luan Hasanaj, nga kjo organizatë tha se institucionet kanë dështuar të sigurojnë mbrojtje për ujërat, liqenet dhe mjedisin.

"Ne jemi dëshmitarë që rregullisht shohim pamje prej gjithandej Kosovës të vendeve shumë të ndotura, pra shumë qytetarë që raportojnë, ankohen, mirëpo është jashtëzakonisht shqetësuese kur ky problem bëhet në këto zona, pra siç janë liqenet të cilat janë të rëndësishme për jetën e secilit që jeton në këtë vend dhe institucionet kanë veprime shumë të ngadalëta për të mos thënë zero veprimet", deklaroi Hasanaj në Klan Kosova.