Ndeshje për infarkt, Lazio shpëtoi në minutën e 103-të nga humbja prej Torinos

Ndeshje fantastike, dramë dhe triller i vërtetë në Olimpico të Romës, ku Lazio dhe Torino barazuan 3-3, në një pasdite të paharruar që solli gjithçka që mund të sjell loja e futbollit, shumë gola dhe raste në të dyja anët. Torino që kishte fituar tri javë më herët 0-1 ndaj Romës, ishte afër të fitonte për herë të tretë në histori të klubit në Olimpico ndaj dy skuadrave kryeqytetase, mirëpo kjo kësaj radxhe nuk ndodhi, pas një penalltie të akorduar në minutën e 102 për vendasit. Giovani Simeone e kaloi në epërsi Torinon, por shuymë shpejt talenti italian Matteo Cancellieri shënoi dy supergola pëe t’i dhënë Lazios epërsinë e pjesës së parë. Edhe e dyta ishte e zjarrtë, ndoshta edhe më e mirë se e para. Che Adams e barazoi rezultatin në 2-2, por emocionet nuk mbaruan me kaq. Në minutën e tretë të kohës shtesë, Saul Coco e kaloi për herë të dytë Torinon në epërsi, dhe u mendua se ndeshja u mbyll këtu, por trajneri Maurizzio Sarri, që për herë të 300-të, jubilare drejtoi një ndeshje në Serie A, kishte fat kur akordohet penallti për skuadrën e e tij, prej nga kapiteni Danilo Cataldi shënoi për rezultatin final 3-3. Pas dy javësh, Lazio udhëton te Atalanta, kurse Torino e pret kampionin aktual Napolin.