Vikendi në Artmotion zbardhë në mënyrën më të mirë të mundshme me duelin mes Portland TrailBlazers dhe Brooklyn Nets. Kjo ndeshje tejet interesante dhe atraktive mes dy prej skuadrave që luajnë basketbollin më sulmues në ligë zhvillohet të shtunën me fillim nga ora 02:00 dhe transmetohet ekskluzivisht në kanalin Art Sport 1.
Përndryshe kjo ndeshje ka rëndësi të madhe për të dy skuadrat, kjo sepse Brooklyn do të kërkoj ta mbrojë pozitën e parë të lindjes të cilën e mbanë pas 61 ndeshjeve me 41 fitore dhe 20 disfata kurse në anën tjetër, Portlandi që tashmë ka rënë në zonën e “play-in” do të mundohet të rikthehet në mesin e gjashtë të parave për të qenë në fund pjesë e playoffit pa pasur nevoj për ta ruajtur pozitën e tyre ndaj skuadrave që renditen në pozitat 8,9 dhe 10.
Këto dy skuadra kanë luajtur 91 ndeshje mes tyre në histori nga të cilat 65 janë fitoret e Portlandit kurse 26 sosh të Brooklyn Nets.
Portland, 5-shja e mundshme startuese:
Lillard, McCollum, Powell, Nurkiç, Kanter
Brooklyn, 5-shja e mundshme startuese:
Irving, Harris, Durant, Green, Jordan
●●●
KKSHKRIMI NGA
Klan Kosova
Editorial nga Klan Kosova — ndjek sport dhe zhvillimet e tjera kryesore të vendit.
