Ndeshja kundër Islandës, Foda: Gjasat janë 50:50

Trajneri i kombëtarës së Kosovës, Franco Foda, i ka komentuar dy ndeshjet e këtij muaji ndaj Islandës, të vlefshme për “play-off”-in e Ligës së Kombeve. "Dardanët" do të grumbullohen sot, ndërsa do të ushtrojnë në ditët në vazhdim para duelit të parë me islandezët, i cili do të luhet të enjten mbrëma në stadiumin “Fadil Vokrri” në Prishtinë. Derisa ndeshja e kthimit do të luhet të dielën në Murcia të Spanjës. "Verdhekaltrit", do të synojnë të dalin triumfues ndaj Islandës për ta siguruar kështu inkuadrimin në Ligën B të Ligës së Kombeve. Me këtë rast, Foda nuk do të mund të llogarisë në dy lojtarë të rëndësishëm siç janë Amir Rrahmani dhe Edon Zhegrova, të cilët janë të lënduar. Por, ai do të mundohet një ekip solid për t’iu bërë ballë islandezëve. “I kemi disa mungesa, tani duhet të gjejmë zgjedhje të reja. E kemi studiuar Islandën, është intensive, agresive, ka lojtarë të mirë. Shpresoj shumë që të fitojmë në shtëpi. Duhet të bëjmë intensitet të shtuar në lojë dhe ta zbatojmë lojën tonë", deklaroi ai në një konferencë të mbajtir me gazetarë transmeton Klankosova.tv “Islanda është një kundërshtar i fuqishëm, shanset janë 50 me 50. Nëse fitojmë në shtëpi, do ta kemi një përparësi. Është e rëndësishme të kemi paraqitje të mirë në fushë, të paraqitemi si ekip i përbashkët, të tregojmë mendësi të fortë, ta përkrahim njëri-tjetrin në fushë dhe kështu mund të arrihet deri tek fitorja.”