Ndeshja kryesore për titull? - Manchester City sot përballet me Arsenalin

Manchester City dhe Arsenali sot do të luajnë ndeshjen kryesore të këtij sezoni. Fitorja e secilit ekip, do të nënkuptonte afrimin me kurorën e më të mirit në Premier Ligë. Kjo përballje është në kuadër të xhiros së 33-të, derisa deri në fund të edicionit do të mbesin edhe 5 xhiro. Qytetarët do të jenë nikoqir të ndeshjes që do të zhvillohet në stadiumin “Etihad”, transmeton Klankosova.tv. City aktualisht ka 64 pikë dhe gjendet në pozitën e dytë të tabelës, ndërsa Arsenal është lider me 70 pikë. Ndeshja do të zhvillohet në ora 17:30 dhe do të transmetohet në platformën Artmotion.