Ndeshja e La Ligas shtyhet për shkak të kushteve të motit

Levante ka njoftuar se ka marrë një vendim nga Gjyqtari i Vetëm i Garave Profesionale të Federatës Mbretërore të Futbollit Spanjoll (RFEF) për të shtyrë ndeshjen e tyre të javës së 16-të të La Ligës kundër Villarrealit. Ndeshja fillimisht ishte planifikuar të zhvillohej të dielën, më 14 dhjetor, në orën 18:30 sipas kohës së Evropës Qendrore në stadiumin Ciudad de Valencia, por është shtyrë për shkak të alarmit të motit me nivel të kuq, transmeton Klankosova.tv  Autoritetet kanë lëshuar një paralajmërim për reshje të rrëmbyeshme shiu përgjatë brigjeve veriore dhe jugore të provincës së Valencias, që do të hyjnë në fuqi nga ora 12:00 e sotme. Një datë e re për ndeshjen do të njoftohet më vonë. /Klankosova.tv