Dy sfidat e para të mbrëmjes në kuadër të Champions League kanë nisur me ngjarje të forta. Në një prej tyre, që po zhvillohet në Kazakistan, përballen dy skuadrat debutuese të këtij sezoni, Kairat Almaty dhe Pafos.
Skuadra qipriote ka mbetur me një lojtar më pak pas vetëm katër minutash lojë. Mbrojtësi brazilian Joao Correia u ndëshkua menjëherë me karton të kuq, pasi ndërhyri me takë të ngritur në fytyrën e një lojtari kundërshtar, një veprim që gjyqtari kryesor e gjykoi si jashtëzakonisht të rrezikshëm.
Në dy ndeshjet e para të fazës së grupeve, Pafos ka siguruar vetëm një pikë nga barazimi pa gola ndaj Olympiacos dhe është mundur thellë nga Bayerni me rezultatin 1-5. Ndërkohë, Kairat Almaty ka pësuar dy humbje të rënda: 0-5 nga Real Madrid dhe 1-4 ndaj Sporting Lisbonës. /Klankosova.tv
4' Red card to João Correia (Pafos FC)
pic.twitter.com/V5HfIkNqd1
— FutDball ⚽️ (@FutDball) October 21, 2025
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
