NBA Sunday vjen me tre ndeshje në Artmotion

E diela do të jetë fantastike dhe e gjitha e mbushur me futboll dhe basketboll në platformën numër një në vend -  Artmotion. Nga futbolli na vjen komplet xhiro e 33-të dhe nga basketbolli transmetohet finalja e dytë e Superligës tonë, por edhe hiç më pak sesa tre ndeshje fantastike dhe për të mos u humbur nga NBA. 04:00                           BROOKLYN – DENVER                                       ART SPORT 1 Fillimisht mëngjesi i së dielës sportive zbardh me duelin në mes Brooklyn Nets dhe Denver Nuggets, skuadra këto që veçse e kanë siguruar playoffin, por po mundohen të jenë sa më lart në konferencat e tyre respektive në mënyrë që të kenë avantazhin e fushës dhe ndonjë kundërshtar më të lehtë në fazën e nxehtë. Aktualisht Brooklyn qëndron e dyta në lindje me 43 fitore dhe 23 humbje, kurse nga ana tjetër Denver është e katërta në perëndim me 44 fitore dhe 22 disfata. Brooklyn, 5-shja e mundshme startuese: Irving, Harris, Durant, Green, Jordan Denver, 5-shja e mundshme startuese: Campazo, Morris, Porter Jr, Gordon, Jokiq 19:00                           MIAMI – BOSTON                                      ART SPORT 2 Me një orar fantastik, saktësisht nga ora 19:00, këtë të diel vjen ndeshja super interesante dhe direkte mes dy skuadrave që synojnë pozitën e gjashtë në renditje dhe inkuadrimin direkt në playoff pa pasur më parë të luajnë në play-in, Bostonit vendas dhe Miamit udhëtues. Kjo ndeshje transmetohet në Art Sport 2. Boston Celtics janë të gjashtët aktualisht në lindje me 35 fitore dhe 31 disfata, teksa me po të njëjtin rekord mirëpo në një pozitë më poshtë qëndrojnë floridasit e Miami Heat. Miami, 5-shja e mundshme startuese: Nunn, Robinson, Butler, Ariza, Adebayo Boston, 5-shja e mundshme startuese: Walker, Brown, Tatum, Thompson, Williams III 21:30                           NEW YORK – LA CLIPPERS                              ART SPORT 2 Menjëher pas përfundimit të duelit në mes Miamit dhe Bostonit mund të shikoni edhe një tjetër duel të zjarrtë nga liga numër një e basketbollit në botë. Bëhet fjalë për duelin në mes New York Knicks dhe Los Angeles Clippers që fillon nga ora 21:00 dhe transmetohet direkt në Art Sport 2. New Yorku ka qenë befasia e këtij sezoni teksa tashmë pak duele para përfundimit të edicionit të rregullt ka 37 fitore dhe 28 disfata duke mbajtur kështu vendin e katërt të lindjes, teksa nga ana tjetër Clippersat janë treguar skuadër e frikshme në perëndim ku kanë 44 fitore dhe 22 disfata dhe mbajnë vendin e tretë të renditjes. New York, 5-shja e mundshme startuese: Rose, Quickley, Barret, Randle, Noel LA Clippers, 5-shja e mundshme startuese: Beverly, George, Leonard, Ibaka, Zubac