NBA: Nets triumfon ndaj Trailblazers në mënyrë dramatike, Sacramento Kings nuk ka të ndalur (VIDEO)

Brooklyn Nets triumfoi ndaj liderit aktual të Konferencës Përëndimore, Portland Trail Blazers në mënyrë dramatike, me rezultat shumë të ngushtë 107-109. Me 35 pikë, 8 kërcime e 2 asistime, Kevin Durant ishte lider për skuadren nga New York-u, ndërsa për ekipin humbës si zakonisht më i dalluari ishte Damian Lillard me “double-double”, 25 pikë, 11 asistime dhe 3 kërcime. Ndryshe nga Trailblazers, në shtëpi nuk gaboi Sacramento Kings. Ky klub në “Golden 1 Center” ka fituar përballë San Antonio Spurs, me rezultat 130-112. Pavarësisht humbjes, koshashënuesi më i mirë në ndeshje ishte Davin Vassell me 29 pikë, kurse për Kings De’Aron Fox u dallua me 28 sosh. Kjo ishte fitorja e pestë rresht për ekipin e Sacramentos. Para tifozëve festoi edhe Los Angeles Clippers. Ky i fundit fitoi ndaj Detroit Pistons, me rezultat final 96-91. Bojan Bogdanovic nga ekipi humbës ishte më i miri në ndeshje me 26 pikë, ndërsa për fituesit Reggie Jackson kontriboi më së shumti me 23 sosh.