Liga më e fortë e basketbollit në botë, NBA, po shkon drejt fazës së saj përfundimtare dhe më të rëndësishme, ku do të mësohen edhe se cilat do të jenë pozicionet përfundimtare të skuadrave dhe kush do të jenë 16 prej tyre që do të marrin pjesë në fazën e playoffit dhe katër të tjerat që do të ballafaqohen mes tyre në play-in.
Sigurisht, transmetimet fantastike nga kjo ligë vijnë edhe këtë javë në platformën numër një në shqiptari, Artmotion, ku do të zbresin yjet më të mëdhenj të basketbollit botëror dhe do të tregojnë klasin e tyre në kanalet Art Sport.
Ndeshja e parë e kësaj jave zhvillohet sonte pasmesnate, duke nisur nga ora 02:30 dhe transmetohet në Art Sport 1 me komentimin e Engjëll Bërbatovcit, teksa mes tyre përballen dy prej skuadrave më të mira të konferencës perëndimore, Dallas Mavericks dhe Utah Jazz.
Këto dy skuadra ndodhen në pozitat katër dhe pesë të perëndimit, andaj edhe dueli direkt mes tyre do të jetë për plasmanin në katër vendet e para, që sigurisht e kanë edhe epërsinë e një ndeshjeje më shumë si vendas në raundin e parë të playoffit.
Utah llogaritet si favorit, por Dallasi në shtëpi është ekip shumë i fortë dhe nën udhëheqjen e sllovenit magjik, Luka Donçiq, kanë arritur 28 fitore në palestrën e tyre nga 39 sa kanë në total deri më tani.
Utah, 5-shja e mundshme startuese:
Conley, Mitchell, Bogdanovic, O’neale, Gobert
Dallas, 5-shja e mundshme startuese:
Donçiq, Dinwiddie, Bullock, Finney-Smith, Powell
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
