NBA: Favoritët për titull përballen më njëri-tjetrin

E diela super fantastike sportive sjell dy duele për të mos u humbur nga liga më e fortë e basketbollit në botë, NBA. Dy pretendentët për titull zbardhin mëngjesin kurse Bostoni dhe Denveri që mund t’i bëjnë probleme të mëdha atyre e mbyllin natën e transmetimeve direkte. 02:30                                     LA LAKERS – BROOKLYN NETS                                    ART SPORT 1 Lakersat pa Lebron James dhe Anthony Davies të lënduar do të duhet të ballafaqohen këtë xhiro me skuadrën e frikshme të Brooklyn Nets në një duel që për shumë kë llogaritet edhe si finalja e këtij sezoni, transmeton KlanKosova.tv. Ky duel luhet të dielën me fillim nga ora 02:30 e mëngjesit dhe transmetohet drejtpërdrejt në Art Sport 1. Nets me një seri fantastike prej 8-2 në 10 duelet e fundit ndonëse me shumë mungesa në përbërje do të synojnë edhe fitoren e radhës për ta mbajtur pozitën e parë të Lindjes. Nga ana tjetër, Lakers pa dy superyjet e tyre kanë rrëshqitur në pozitën e pestë të perëndimit dhe do të mundohen të mbajnë gjallë sezonin me fitoren që për ta është urgjencë. Brooklyn ka fituar takimin e vetëm direkt të këtij sezoni teksa në total nga 92 përballje të ndërsjella 65 janë fitoret e Lakers dhe 27 të Nets. Lakers, 5-shja e mundshme titullare: Schroder, Caldwell-Pope, Kuzma, Morris, Drummond. Nets, 5-shja e mundshme titullare: Irving, Harris, Durant, Aldridge, Jordan.  21:00                                    BOSTON – DENVER                                                         ART SPORT 1 Bostoni që po kalon formë të luhatshme udhëton në Denver për t’u ballafaquar me Nikola Jokiq dhe shokët e tij të skuadrës në një ndeshje ku vetëm fitorja kërkohet nga të besuarit e Brad Stevens. Nga ana tjetër Denveri po kërkon të ngjitet edhe më tutje në tabelën e perëndimit. Kjo ndeshje super interesante luhet të dielën me një orar super të përshtatshëm edhe për fansat kosovar, fillon nga ora 21:00 dhe transmetohet live dhe ekskluzivisht në Art Sport 1. Denver Nuggets kanë 34 fitore dhe 18 disfata teksa kanë fituar 8 ndeshjet e tyre të fundit radhazi pa e humbur as edhe një për tu renditur tashmë si të katërtit në perëndim. Në anën tjetër, Boston Celtics janë të shtatët në lindje dhe rrezikojnë shumë rrëshqitjen edhe të më tutjeshme. Duelin e parë të këtij sezoni mes tyre e kishin fituar të gjelbërtit e Bostonit me rezultatin 112-99. Boston, 5-shja e mundshme titullare: Ëalker, Broën, Tatum, Thompson, Ëilliams. Denver, 5-shja e mundshme titullare: Murray, Morris, Gordon, Porter Jr, Jokiq.