NBA dhuroi 11 ndeshje fantastike, Lakersat e pësojnë humbjen e pestë radhazi (VIDEO)

Liga më e fort në botë, NBA ka dhuruar 11 ndeshje të çmendura në kuadër të xhiros së gjashtë. Los Angeles Lakers kurrsesi të gjejnë rrugën e fitores, pasi kanë pësuar edhe humbjen e pestë radhazi, tani ndaj Mennesota Timberwolves, me rezultat 102-111. Paraqitja fantastike e Lebron Jamesit, me 28 pikë, shtatë kërcime dhe pesë asistime, nuk i mjaftoi Lakersave. https://www.youtube.com/watch?v=lCTZqIL7Cd4 Derisa lideri aktual Portland Trail Blazers e regjistroi fitoren e pestë, ndaj Houston Rockets, me rezultat 125-111. https://www.youtube.com/watch?v=i6aSGffPmA4 Më i dalluari në fitoren e Blazers, ishte Anfernee Simons, me 30 pikë, pesë kërcime dhe shtatë asistime. Në përballjen tjetër Phoenix Suns triumfoi ndaj New Orleans Pelicans, me rezultat 124-111. Denver Nuggets e mposhti Utah Jazz, me rezultat 117-101. Ndeshja mes Boston Celtics dhe Cleveland Cavaliers shkoi në vazhdime, teksa aty triumfoi Cavaliers. https://www.youtube.com/watch?v=o6TOVuqVZ_M San Antonio Spurs shënoi fitore të ngushtë ndaj Chicago Bulls, me rezultat 129-124. Në ballafaqimin tjetër, Milwaukee Bucks triumfuan ndaj New York Knicks, me rezultat 119-108. Washington Wizards pësuan humbje nga Indiana Pacers, me rezultat 117-127. Philadelphia 76ers shënoi tjetër fitore ndaj Toronto Raptors, me rezultat 112-90. Atlanta Hawks e gjeti fitoren e katërt nga pesë ndeshjet, këtë herë ndaj Detroit Pistons, duke i mposhtur me rezultat 136-112. Ndërsa një ndeshje të bukur dhuroi edhe përballja e Orlando Magic me Charlotte Hornets, me të parët që fituan me rezultat 113-93. /Klankosova.tv