Muriqi shprehet skeptik për pjesëmarrjen e Mallorcas në Champions League

Mallorca sivjet synim e ka Champions Leaguen. "Piratët" gjenden veç 9 pikë larg kësaj zone. E lidhur me këtë fakt ka folur sulmues i kombëtarës së Kosovës, Vedat Muriqi. Muriqi u shpreh skeptik se skuadra e tij mund të marrë pjesë në këtë garë. "Këtu janë duke fluturuar të ju them të drejtën. Në këtë aspekt jam shumë negativ, po mendoj së pari të keqën e më pas të mirën, nëse ndodh gëzohemi të gjithë. Nesër është një ndeshje, s'po them jetike, por qaty ku mund ta masim fuqinë tonë me Villarealin dhe kundër Athletic Bilbaos ku luajmë si mysafir", u shpreh Muriqi ekskluzivisht në Sports Show në Klan Kosova. "Nëse arrijmë edhe atje t'i nxjerrim tri pikë, mendoj se jemi të gatshëm për Europa, për Champions League është vështirë. Unë personalisht nuk besoj aq", deklaroi Muriqi në Klan Kosova.