Muriqi njoftohet me dënimin që e pret pasi u ndëshkua me të kuq kundër Barcelonës

Vedat Muriqi, është suspenduar me një ndeshje nga Komisioni Disiplinor i Federatës Spanjolle të Futbollit. Muriqi u ndëshkua direkt me karton të kuq gjatë ndeshjes që Mallorca e humbi nga Barcelona 3:0 të shtunën e kaluar, në kuadër të xhiros së parë të La Ligas. Ai e ngriti këmbën lartë dhe e goditi në kokë portierin e Barcelonës, Joan Garcia, i cili pas ndeshje kishte një të ënjtur të madhe në faqe. Fillimisht iu dha kartoni i verdhë, por pas ndërhyrjes së VAR-it, ai u përjashtua me të kuq. 31 vjeçari do të mungojë ndaj Celta Vicos, ndeshja e radhës e Mallorcas në La Liga. Mallorca këtë verë është përforcuar edhe me mbrojtësin shqiptar, Marash Kumbulla, i cili do ta ketë më të lehtë të adaptohet, pasi Vedat Muriqi është aty, si lideri dhe lojtari kryesor i skuadrës.