Muriqi hero ndaj Juventusit të Zhegrovës, pret penaltinë dhe ua mohon fitoren

Juventusi i Edon Zhegrovës dhe Sassuolo i Arijanet Muriqit i kanë ndarë pikët me rezultat 1-1 në ndeshjen e xhiros së 30-të të Serie A-së. Kenan Yildiz gëzoi vendësit me golin e tij në minutën e 14-të, por për mysafirët barazoi Andrea Pinamonti në minutën e 52-të. Përfaqësuesi i Kosovës ishte vendimtar për pikën e nxjerrë në Juventus Stadium pasi ia priti penaltinë kapitenit Manuel Locatelli në minutën e 86-të. Ndërkaq, për Zhegrovën, trajneri i tij Luciano Spalletti rezervoi vetëm dy minuta kohë të rregullt. Juve me këtë pikë shkon në 54 në vendin e pestë, teksa Sassuolo rri i dhjeti me 39 sosh.